Fóru fjórir menn frá okkur langleiðina að Kúðafljóti til að aðstoða vegna bílslys. Tveir bílar höfðu keyrt framan á hvorn annan svo úr varð harður árekstur. þegar fyrstu 4 voru komnir á staðinn þá var það metið þannig að ekki þyrfti meiri mannskap og var þá þeim mannskap sem lagður var af stað snúið við. Ekki þurfti að beyta klippum.
Monthly Archives: febrúar 2015
Vinningur i eldvarnargetraun
Í Nóvember fóru Ívar Páll og Ágúst Freyr í heimsókn í 3 bekk grunnskólans og fræddum þau um eldvarnir og tóku nemendur þátt í eldvarnargetraun. Ragnar Natan Reynisson, nemandi í 3. b., vann til verðlauna í getrauninni. Ívar Páll Bjartmarsson slökkviliðsstjóri og Ágúst Freyr Bjartmarsson vara slökkviliðsstjóri fóru á einn, einn, tveir daginn og veittu Ragnari verðlaunin og voru meðfylgjandi myndir tekin við það tilefni.
Einn Einn tveir dagurinn
Tókum við þátt í einn, einn, tveir deginum með öðrum viðbragðsaðilum á svæðinu, fórum með tvo bíla, reykköfunartæki og fleirra til að leyfa krökkunum skoða, afhendum öllum nemendum límmiða með símanúmeri neyðarlínunar og gáfum öllum bókina um eldvarnir heimilissins. það er hægt að skoða bókina á forsíðunni hjá okkur í pdf formati.
Hægt er að sjá fleiri myndir með því að smella á Read more…
Námskeið fyrir stjórnendur hlutastarfandi slökkviliða
Fóru fimm frá okkur á námskeið fyrir stjórnendur hlutastarfandi slökkviliða sem haldið var á selfossi dagana 6, 7 og 8 febrúar. Voru það Ívar, Ágúst, Sigurður, Bjarki og Vigfús sem fóru. Einnig hófu fimm frá okkur fjarnám við brunamálaskólann en lokapróf hjá þeim verður í apríl.
Æfing í slökkvistöð 9 febrúar
Febrúaræfingin var haldið að þessu sinni í slökkvistöðinni, var mönnum skipt upp í tvo hópa. Annar hópurinn byrjaði á því að fara í skyndihjálp en hinn þurfti að skipuleggja slökkvistarf uppi á töflu. Þegar hóparnir voru búnir að fara á báðar stöðvarnar þá komu allri saman og hlustuðu á fyrirlestur um forgangsakstur hjá honum Kjartani lögreglumanni. Þökkum Kjartani lögreglumanni, Helgu þorbergs hjúkrunarkonu og Sigurði Gými sjúkraflutningamanni fyrir aðstoðina við þessa æfingu.